სილვესტერ სტალონეს ულამაზესი ქალიშვილი ეროტიკულ ვიდეორგოლში გამოჩნდა

სილვესტერ სტალონე საზოგადოებრივი თავშეყრის ადგილებში ხშირად ქალიშვილებთან ერთად ჩნდება. მსახიობს 3 ულამაზესი ქალიშვილი ჰყავს. მედიის ყურადღება კი ამჯერად 18 წლის სისტინმა მიიქცია, რომელმაც ჟურნალ Love-ის პროვოკაციულ ვიდეორგოლში მიიღო მონაწილეობა. დამწყები მოდელი ვიდეოკამერებთან ნახევრად შიშველი გამოჩნდა. სისტინმა მაქმანებიანი საცვლებითა და ტყავის ქურთუკით იპოზიორა. ვიდეო ჯგუფ The Runaways-ის ცნობილ სიმღერაზეა გადაღებული. ამავე პროექტში მონაწილეობა მიიღეს ირინა შეიკმა, კიმ კარდაშიანმა, ბელა ჰადიდიმ, რიტა ორამ და სხვებმა.

მოდელის ამპლუაში არაერთხელ ვიხილეთ სტალონეს უფროსი ქალიშვილი სოფია. პატარა კი ჯერ მხოლოდ 14 წლისაა და სწავლითაა დაკავებული. გოგონების დედა ყოფილი მოდელი ჯენიფერ ფლავინია, რომელიც 22 წლით უმცროსია სტალონეზე.