Skype-ის მომხმარებლები მალე ვიდეოზარებს ჩაიწერენ

თითქმის 15 წელი გავიდა მას შემდეგ, რაც პირველი ვიდეო და აუდიო ჩათ-აპლიკაცია Skype გამოჩნდა ინტერნეტსივრცეში. Skype-ის მომხმარებლები მალე ვიდეოზარების ჩაწერას შეძლებენ. ინფორმაციას Mashable-ი ავრცელებს.

16 ივლისს Microsoft's Skype-ის ჯგუფმა აპლიკაციის ახალი ვერსია წარადგინა და ანოტაციაში ვიდეოჩამწერის ფუნქციის დამატებაც დააანონსა. საუბრის ჩაწერა Cloud - სერვისის საშუალებით იქნება შესაძლებელი. ეს იმას ნიშნავს, რომ თუ საუბრის ერთ-ერთი მონაწილე მის ჩაწერას გადაწყვეტს, ამის შესახებ მეორე ადამიანს შეტყობინება მიუვა. ახალი ფუნქცია ხელმისაწვდომი იქნება როგორც Windows-ის, ასევე Mac-ის iOS-ის და Android-ის ოპერაციულ სისტემებისთვის.

Skype თავდაპირველად eBay-მ $ 2.5 მილიარდად შეიძინა, მოგვიანებით კი მისი მფლობელი Microsoft-ი გახდა, რომელმაც ის $ 8.5 მილიარდად იყიდა.

ივლისის დასაწყისში ასევე ცნობილი გახდა, რომ Skype-ს შესაძლოა Seen-ის ფუნქცია დაემატოს. ბოლო პერიოდის განმავალობაში Microsoft-მა Skype-ს emoji და GIF-ები დაამატა, რითაც საკომუნიკაციო აპლიკაცია „თანამედროვე“ სერვისებს მიამსგავსა.

Seen-ის ფუნქცია უკვე აქვს Facebook მესენჯერს, WhatsApp-ს და სხვა ბევრ საკომუნიკაციო სერვისს.